Pyidaungsu Planning and Financial Minister U Kyaw Win a voi khatnak Hakha a phan

Myanmar ram Pyidaungsu Planning and Financial Minister U Kyaw Win cu a voi khatnak Hakha, March 11 ah a phan i Chinram thancho nakding budget kong a ceihpi hna, tiah Minister Pu Vui Kaw sin in March 13 ah thawng kan theih.
“Pyidaungsu Minister hi March 11 ah a phan i 12 kha a kir than. Anih hi Chinram ah a voi khatnak a rak phanh a si. Chinram a lamkip in thancho nakding kong kha siaherh ngai in a kan chimh. Nan herh mi pawl kha rak i ceih ulaw budget he nan suaisam hnu ah rak ka chim u! A si khawh chung in Pyidaungsu Ministers hna nih kan in ceihpiak hna lai, tiah a ka cahtaak,” tiah Chin Ramkulh Planning and Financial Minister Pu Vui Kaw nih The Hakha Post ah a chim.
Pyidaungsu Minister U Kyaw Win cu Chinram ah a voi khatnak a phanh a si i Chin Ramkulh Cozah bawmhchanh ding in bia a kamh mi hna cu Chin Ramkulh Cozah nih a herh mi pawl ceihhmainak meeting an tuah rih lo, tiah kan theih.