A voi 25nak Chin Christian University nih degree peknak an tuah cang

Chin Christian University (CCU) nih a voi 25nak degree peknak cu Hakha Baptist Church, March 18 ah an tuah.
Tutan degree la mi (graduated) hna hi M.Div minung 3, B.Th 2, B.Min18, Dip.Th 19, BAE 6, BBA 12, Dip.Eng 19, le DBA 38 an si. CCU ah caantling riantuantu hi minung 35 an si i a lang cachimtu minung 21 an si.
“Kum dang nakin tu kum hi degree la mi an tam deuh. Ni kum kha minung 90 lawng an si. Tu kum hi 117 an si. Kum vui zong a fiang rih lo nain an tam chin lengmang lai ti zong ka zumh. Cun, kum 2 chung kan ngol chung mi BRE zong cawn a duh mi minung 10 an tlin ahcun kan thawk than lai. A ngaingai cu Yangon le Mandalay ah man faak tuk in va cawn theng zong a hau ti lo. CCU ah cachimtu zong kan chap than lai i kan fanaule tampi rak kai ding in kan in sawm hna,” tiah CCU Vice President Rev. Dr. Luke Sui Kung Ling nih The Hakha Post ah a chim.