Ziah Chin pa nih NLD cu a vote
Salai Bawi Kung
2020 election hi USA election bantuk a si lo dohthlennak election a si. Kan ram dohthlennak a kan tuahpi kho tu ding hi abik in Suu Kyi le Min Ko Naing lawng ka hmuh hna. Chinram ah cun Van Lian (L) le Cin SianThang hi hero politicians an si ve ka ti hna. Keimah telh chih in adang politicians aa ti mi pawl hi cu zeihmanh kan si lem lo. Ralkap nih nawlngeihnak van la selaw kan dai thup ko lai tiah ka zumh.
Dohtlennak ahhin hruaitu ( Leader) kan herh. NLD hi dohthlennak ah hruaitu bik a si mi Suu Kyi party a si. Cun 8888 hruaitu Min Ko Naing zong nih tanh mi party a si fawn. Ralkap bawi pawl nih an tih bik mi cu meithal aa put mi pawl le miphun party pawl hi an si lo. Kawlram mizapi thinlung a la kho mi Suu Kyi le Min Ko Naing hi an si.
Miphun party hi miphun ca ah a herh i tanh ding zong a si ko nain kan ram sining kan zoh tikah thil kal ning (ache-ane) a that rih lo ruangah kan tanh rih lo mi a si ko. Cubantukin NLD me kan pek lai timi zong hi Suu Kyi me kan pek lai tinak a si. Cucaah NLD candidates pawl hi me kan pe lai lo nain Suu Kyi party NLD cu mizapi nih me kan pek te ko lai.
Election result zong hi aa thei pah ko cang i NLD cu Union ah atlawmbik 350 seats kan hmuh lai timi zong hmaizoh lo tein kan chimh chih ko hna.
