|#Hmuh ning|
Mathaan = Tilim le caw i an hrin mi (Kahpia) Sia. Tchk: Matthan cu suk an thawng, duumhau zong nih a celh hna lo. An panghrai khun.(Chin to Chin Dict’, Hrang Tiam)
(Hla, Cawpe aw)
“Cawpe kukur Mathaan, na ki bawnpum tia lo, ka su tal leh lai ci, lamton pial na hngal lo…”
@ Kawl holh : Kahpia
@ Mirang : halfcaste/mixed race(minungah)
hybrid :Thingram/saram/minung zongah hman a si(Richard Zatu)
Kawl holh in “Kahpia” ti kha, kan Lai holh in “Mathaan” tiah hman khawh a si ko ttung?
@ Kawlram uknak chiatkhaat ruangah ram 2nk, ram 3nk, kan phan. Kan phanhnak ram i hrin mi fanau hna nih siseh, kan fale dang zong nihin ahcun an holh an i mathaan dih cang. Nu le pa tu cu kan i zia deuh rih.
@ Kawl ralkap nih uknak a tlaih-hiip ruangah nihin kan Laimi tampi cu innpa unau a si mi Mizoram ah milu 40,000 hrawng khua kan saknak kum khat leeng ahung si cang.
Kan fale sianginn an kai. Mizo ca le holh an cawng i an thiam ngawt cang. A cu vial hmanh ah an holh an i Mathaan dih cang.
@ An University Sianginng ah an cawn mi an holh hram cu, kanmah Lai holh lawngte si nalak ah, anmah holh tu kha a tha deuh, tling deuh, thuk deuh le holh hram ah a ruat sual mi kan tam cang.
Chin tlang holh ah hman a hau a titu tiang kan um pah cang ca ah ngaihchia lungrawk ngai a si. Hi zong hi kan uknak chiatkhaat ruangah a si.
Annih cu, Democracy in i hruainak ram chungah khua an sa i an thangcho, zalonnak an ngeih ruangah a si.
Chinram kan kir khawh tik nikhua ah khin cun, Mathaan kan si dih te ko lai. Cu ti a si ca ah, Matthaan si hi a tha ko kan ti lai maw! A tha lo kan ti lai dah???
Mathaan si lo in kan si ning dik a si mi Tilim sia kan sinak kan hlam than khawh nakhnga mahle pahrang cio chuah in teirial tein dohthen i zuam cio ko hna u sih.
“Matthaan si loin -Tilim sia ah”
(By – B.H. Van @ Lenfu)
Photo credit: Myo Min Thu
