Union Election Commission nih a thanh ning ah a ra lai ding 2020 kum Myanmar ram party tling Democracy thimnak ah aa zuam ding Hluttaw Palai tam cem party hna cu National League For Democracy (NLD), United Democratic Party (UDP) le Union Solidarity Development Party (USDP) hna an si.
Atu Myanmar ram Cozah a tlai lio mi NLD party in Hluttaw Palai minung 1143 an i zuam lai. UEC nih a langhter ning ah a liamcia kum 2015 lio ahkhan NLD in Hluttaw Palai minung 1152 an rak i zuam i hmun 886 ah teinak an rak co.
United Democratic Party zong NLD party bantuk in Hluttaw Palai minung 1143 an i zuam ve lai.
UDP party hi a liamcia kum 2015 thimnak ah mee hmun hmun 47 chung ah an rak i zuam ve i hmun khat hmanh ah teinak an rak co lo.
Union Solidarity Development Party (USDP) hi a ra lai ding 2020 kum thimnak ah Hluttaw Palai minung 1129 an i zuam lai. Cun, an nih hi a liamcia kum 2015 lio ahkhan Hluttaw Palai minung 1151 an i zuam i, mee hmun hmun 117 ah teinak an rak hmu.
2020 kum thimnak ah Hluttaw pathum fonh mee hmun ca ah ramkheel party Hluttaw Palai minung 6889, Independent in minung 280 an si lai tiah UEC nih a langhter.
