By: Dr. Aung Myint Thang
Pentecost ni ah holhtheihlo in an rak holh kha “Holhtheihlo” silo in “Holhtheihlo mi” a si. Minung nih an hman mi holh, a um taktak mi holh a si. Anmah holh cio in an holh i miphun dang, holh phundang nih Thiangthlarau thawng in an theih khawh cio hna titu a si. Cu cu tah a dong cang maw? Ni hin ah cu bantuk in Thiangthlarau nih rian a tuan ti maw?
Biakamthar ah holhtheihlo in holh ti cu a um. Holhtheihlo in hlasak ti hi a um lo mi a si. Nihin ah holhtheihlo hla a sa i a turlen mi hna khi, Baibal ah hmunhma angei mi an si ko maw?
Kan Baibal ah holhtheihlo an rak hman ning le, nihin an hmanning holhtheihlo hi Baibal chan ah an rak hmanning te a si ko ti hi na chim kho taktak maw?
Paul nih, holhtheihlo cu a let khotu an um lo ahcun hmanghlah uh (1Kor 14:28) a ti i, nihin nan holhtheihlo hi a let khotu an um maw? An let bal maw? Dik tein an let maw? A ho nihdah a leh khawh? Lai mi holhtheihlo in a holh mi a thong in nan um i a let khotu pazeizatdah nan si? Alet khotu um lo bu in holh lengmang hi Baibal bia al le Baibal ning lo in pumhkhawmh a si ti hi na ruat bal maw? (! Kor 14:28)
1Kor 13:8 “Prophet biaphuang nan um maw? A dong lai, a hngalnak nan ngei maw? A dong lai… a tling mi a rat tik ah an dong lai a ti. Hi pathum hna hi an dong taktak cang maw? Tuchan ah aum ti lo mi hna an si sual maw? Tuchan ah Thiangthlarau nih a pek ti lo mi an si sual maw?
A tling mi a phan ding cu micheu nih Jesuh a si i, Jesuh rat tik ah a dong te lai an ti. Jesuh rat tik ah cun hi thil pathum lawng hi an dong lai lo. Damternak, Pathian riantuannak, pumhkhawmh, cheuhra cheukhat pek zong an dong cang ko lai. a dong ding an tamtuk.
“A TLING MI” ti hi Zisuh a sawh duh mi a si lo. Jesuh rat tik ah cun Khrihfabu riantuannak he apehtlai mi cu an dong ko lai ia dong ding a tam tuk.
Tuchan ah prophet an um ti maw? Bia an phuang maw? Anmah pumpak lawng cu maw Pathian nih bia a chimh hna i, a phuanter hna? Paul chan lio ah a nih hi van a kai lai, hell ah a tla lai ti a hngal kho mi an um. Hngalhnak cu tah an ngei maw? Hngalhnak hi kawl Baibal nih Scientific knowledge –taihpaan a tat ti in an leh. Hihi leh palh mi a si.
Prophet, hngalhnak, holhtheihlo an dongh cang ca ah tuchan ah kan hman ding a si ti lo ti hi cu a fiang. A tling mi cu aphan cang. Aphanh cang hnu ah prophet ka si ti le hngalhnak a ka pek ti le holhtheih lo a holh mi zong hi lih in nan holh a si hnga.
Paul nih hmunkhat ah a dih ti ding in a chim. “ATLINGMI) a phanh ahcun holhtheihlo, hngalhnak, prophet he humnkhat ah an dong ti hrimhrim lai.
A TLING MI a phanh tik ah a ti mi hi Baibal cauk, Pathian bia a tling mi” kan sin i a phanh mi khi a si. Paul chan ah hin Baibal hi a tling in tial thlu a rak si lo. Prophet an um rih. A tu cu Baibal cauk Pathianbia tling kan ngeih cang caah Prophet kan herh ti lo. Baibal kha rel law va zul.
Hngalhnak le khuaruahhar pek kan hau ti lo. Baibal rel law hngalhnak na ngei ko lai. Paul chan ah prophet an rak um rih. Baibl zong an rak tial rih. Ni hin ah baibal ca cu va tial ve reng ca? cu prophet an dih rualrual cun cu holhtheih lo zong an dih bak ve. Cucaah nihin ikan holhtheih lo hi cu!?
