Chin Ramkulh, Tedim khuapi in meng 26 a hlatnak, Tedim le Kalay kalnak lampi cung, Sozaang khuapawng ah motor aa let i, kum 21 upa motor khal pa a nunnak a liam tiah theih a si
Hi kong he pehtlai in Palek riantuan U Tan Lin Oo nih, “Atu motor a khal pa hi a min ah Siangpi ti a si i, Kalay khuapi Pinlung sang ah a ummi a si. A hmun ah a khaltu pa cu a thi colh,” tiah a chim.
Motor aa lehnak hi Sozaang khua pawng meng tung 9/4 le 9/5 karlak ah a si. Aa lehnak a ruang hi an chim kho rih lo, lamthlang lei ah a tla i a khaltu pa cu a hmun ah a nunnak a liam colh, tiah theih a si.
