2020 November 8 ah tuah mi Myanmar rampi thimnak ah ralkap chungkhar hna nih mee an thlaknak peng hi 218 a um i, cu hna cu phung ning tein a si maw si lo timi cheknak ralkap lei nih an tuahnak kong thanhnak an tuah tiah kan theih.
Phung a lutmi le a dikfel mi rampi thimnak a si tiah lunghrinnak le lunghniarnak ngei lo tein theihpinak um seh ti kan duh caah tu bantuk in hlathlainak kan tuah thannak cu a si tiah thanhnak ca an chuahmi ah an telh.
Hi chek nak kan tuahnak ah a herh mi catlap le hmuhsaknak tete zong tuah ding in UEC zong kan hal hna tiah an thanh chih.
2008 phunghram ning incun Rampi thimnak ahhin president hi nawl a ngei bik a si bantuk in November 8 thimnak hi president lei zong nih dikfel tein le tlukruang tein biakhihnak a ser a hau mi a si ti zong an thanh mi ca ah an telh chih.
Rampi thimnak kong ah lungtlin lonak tete an um i, USDP telh in party 19 nih UEC hi dantat piak ding in report nak November 25 ah rampi president sin ah ca an kuat tiah kan theih
