Ngun Tha Zing (Cawbuk, Hakha)
* Siibawi le sayamahte nih mizaw nan zohkhenhnak le nan dawt mi hna cung ah keimah pumpak zong in kan lawmh hna, Bawipa zong nih an lawmh hna. Atu lio nan dawt ning hna nak let hnih in mizaw kan daw rih ko uh. Bawipa thluachuah nan thiamnak le nan fimnak Bawipa tu nih in hmang chin ko hna seh.
* Chim ka duh rih mi cu sii-zung hmunthur nan khangh tik ah sii-inn in pe 200 hlaatnak ah nan khangh lai. Khur nan cawh lai. A khangtu pawl nih hmurhuh a chah deuh mi in nan i huh lai. Nan kaa le nan hnaar zawn ah vit nan thuh lai. Atu nan tuah ning in nan tuah peng ahcun Or khencer nan ngah sual lai. Bawipa nih fiannak in pe ko hna seh.
* Aho hmanh nih riantuantu Siibawi le sayamahte thangchiat hna hlah usih. Thlacam tu in bawm peng hna usih. Mizaw umpi tu fel hna usih. Na mizaw zun-inn a kal poh ah na zulh lai. Zun-inn a kal khawh in a kalnak zun-inn thiang tein na tuahta lai. Cu hnu ah rungrul thahnak sii tlawmpal in na paih lai i, ti na toihta lai. Thiang tein a cawngtu nih kan tuahta lai.
* Sipin rian a tuan mi nih hmunthur tivahor ah hlonh ti hlah uh. Kanmah nawl, nan ti men ko lai. Sipin vawlei nan ti ko lai. Nan rian cun nan palh bak lo. Bawipa nih na thanh hrimhrim lai a ka ti ca ah thawng kan thanh hna. Mi vialte ca ah thatnak nan tuah ko. Asinain Bawipa mit hmuh ah cun zawtnak a chuahter. Fuur ah ruah nih a surh i ti vialte aa tong dih. A rawnhnak hmun le ti he aa hlaatnak ah nan thlet cang lai. Cupin ah nan khanghta dih lai. Jesuh Khrih min in thawng kan thanh hna.
* Aho kan si hmanh ah hmunthur khangh khawh kan i zuam hna lai. Kan khangh lai poh ah hmurhuh a chah mi in kan i hup lai. A hlei in hmakphek (hmathak) hmui a hmang mi nih kan i huh peng lai.
* Hi thawng ka thanh mi hi keimah duhnak in ka thanh mi siloin Bawipa nih “Na thanh hrimhrim lai” a ka ti caah thlacamnak he ka tial mi a si. Tukum fuur ah ruah in hmuhthur kan thianhpiak dih hna lai a ti.
* Kan pa damlo ruang ah sii-inn ah zarh khat kan um. Cu ahcun Bawipa nih bia a ka ruah mi a si. Ka ton bal mi thil a si lo caah ka palh sual lai ti ka phang i thla ka cam peng. Bawipa fial mi cu al awk a tha lo. Hi ca a hmu i a rel mi vialte nan thinlung ah Bawipa nih rian tuan ko seh!
###############
Biakilh: Hmuhning capar cu catialtu pumpaak ruahnak le dirhmun an si. (The Hakha Post)
