By: Rev. Dr. James Lian Sai
Pathian kong theih ngai ko nain Pathian hngalh lo, Jesuh theih ngai ko nain Jesuh ngeih lo, Thlarau kong theih ngai ko nain Thiangthlarau ngeih lo, Hrinthan kong theih ngai ko nain hrinthannak ngeih tung lo hi a um kho tawn mi a si.
Holhtheihlo hi keimah nih ka tinco mi le ka hman mi a si ca ah i alhnialnak zawn i a herh tiah ka hmuh mi ka vun langhter.
Prophet biachimnak, holhtheihlo le hngalhnak kan ngeih mi hi an dih (dong) rih lo. (IKor 13:8,9)
Hngalhnak kan ti mi hi Greek Bible ahcun gnosis (ývóð) tiin aa tial. Hihi Nominative Singular Femine a si i Miraang nih “Knowing (the act) an ti i knowledge asilole science ti khi a chim mi bak a si. Kawl Bible lebang ah cun Sayagyi Adoniram Judson nih Greek holh kha direct in a leh i, tiah a tial. Cucaah hngalhnak kan ngeih mi hi “knowledge or science” cu atu hi a karh chin cuahmah i caandongh tiang a karh chin thluamah lai. Mah hi hngalhnak Knowledge or science a dongh hlan lo poh cu profet biachimnak le holhtheihlo zong a dong ve lai lo. A dongh a si le Bible ning tein hmunkhat ah an dong cio te lai.
Holhtheihlo leh a herh caan le a herh lo caan
1. Leh a herh lo caan. 1Kor 14: 2,4
Holhtheihlo in holh mi cu minung sin ah si loin Pathian sin ah biachim a si. A holh mi cu aho hmanh nih an thei lo, a thlithup in i chiah mi bia kha Thlarau in a chimphuan. Hihi cu thlacamnak le thangthatnak ca ah hman mi a si. Leh a hau lo. Zei ca ah tiah amah Pathian dah ti lo, a ho hmanh nih an theih lo ca ah leh khawh ding a si lo. Cun holhtheih lo in a holh mi cu amah le amah ai sersiam (thazaang a la).
A hme 14 ah hin “For if I pray in a tongue, my spirit prays,”. Holhtheihlo in thla ka cam ahcun ka thlarau cu thla a cam tak ko tiah Bible nih a fianter pin ah Paul nih, “Nan dihlak (Korin khua zumtu dihlak) i nan zapite holhtheihlo nan holh mi nak tam deuh in holhtheihlo ka holh caah Pathian ka thangthat (IKor 14:18).Paul nih holhtheihlo a chim mi hi a leh ti a um lo. Zeicaah tiah thlacamnak le thangthatnak ah pei a hman cu.
2. Leh a herh caan
Korin khua zumtu pawl hi (Home Church) mizapi i pumh khawhnak ah holhtheihlo hin cawnpiak an rak hman ca ah a lettu um seh tiah Paul nih a cawnpiak hna. Pathian he i chawnhbiaknak si loin midang cawnpiaknak ahcun holhtheihlo cu hman lo hmanh ah a tha. Nain khuacaan ah cun holhtheihlo in prophet biachim a um ve theu i thlarau lei fim khur a hau ve. Holhtheihlo a cohlang lo pawl nih (a) nak hi ana lantaak i (b) ah kal zau in “ Holhtheihlo in bia thonghra nakin theih mi holh in biafang nga kan chim deuh lai.” (19) ti kha anhmang tawn. Hihi cu fiang deuh in kan chim ahcun Holhtheihlo cu thlacamnak le thangthatnak ah hmang chinchin usihlaw Biakinn chung cawnpiak tu ahcun a lettu um lawng ah hmang usih.
Holhtheihlo laam
Holhtheihlo lam tiah min an sak hi an palh ngaingai. “Pathian thangthatnak laam” tiah a dik deuh. Mi pakhat nih maw mitampi nih maw thlarau hla (Kol 3:16, Eph 5:19, IKor 14:15) an si tik ah “Pathian thangthatnak Laam” in an laam khi a si. Aho ca’h hmanh ah an laam lo. Pathian thangthatnak tu ah a si.
Thakbare a thah ning taktak cu a ei bal lo mi nihcun theih khawh a har taktak ko. Chim len zong ah an thei kho lo. A ei bal mi cu chimh a hau lo.
Dawtnak he,
James Lian Sai
