“Pangpar duum chung ah ciam a ser mi hna”
(The Dead in the Square)
@ Hi pangpar duum chung ah zeenthong khat lak in ai ken mi hna,
Raalraap ngai in kahnak nawl he a rak lut mi hna le,
Aw zaai a chuahtu mizapi lawng kha hmuh an si.
“Rampi tuanvo le dawtnak nih cun mi bu kha, mizapi ah a thlen diam ko”
@ A derthawm mi nungakchia pakhat, Puanlaan put in a riil,
Tlangval pakhat zong hliamhma he khuh buin ai sual,
Hi thil ruang ah mizapi lau in an dai, a thi mi kha an zoh ko hna …
@ Hi hna ciamhnak hmun ah, Mitthli he tap ding ah ka ra lo,
Nihin tiang a um rih mi nan sin ah, chimh ding ah ka ratnak a si
Kannih dohnak cu, vawlei ah siseh, Seh zung ah siseh,
Ramlak ah siseh, Leikuang ah siseh, Lam cung ah siseh
A hring a sen, a vaang huam mi, daar somei buuk ah siseh,
Aartlang dohnak, kan tuah ko lai…
@ Kan pa ram kha thisen a nalhtu, Sualphawt ding ah kan nawl hna
Hi lainawnnak nawl apetu kha, sualphawt ding ah kan nawl hna
A thi mi ruak i chirhchan in, nawlngeihnak chuttu, mi zuar thlaitu cung ah
Sualphawt ding in kan nawl hna…
@ Hi lainawnnak thiam a cohtu pawl kha, sualphawt dingin kan nawl hna
Kannih cu hi hna pawl he kut i sih in, I philhter ding ka duh hrim lo,
Thisen aa neh mi, an kut tlaih ding cu ka duh hrimhrim lo,
Sualphawt ding lawng kha ka duh mi a si…
@ Ram dangah Palai thlah awk ah le,Innchung tangah biak len in, duhsah tein
lohtlauter awk zong ah ka duh hrim hnalo. Hika hmun le pangpar duum hrim
Ah hin,Anmah cu biaceih ka duh hna i,sual phawt ding lawng kha ka duhmi a si.
(By: Pablo Neruda. Ernesto Che Guevara, Cauk chungin leh mi)
