(Thingpar saang)
Ram uk bawi pen, chim ruangmang in
Zaa-uk pennak, thlai bang thlak ni
Thongkhat zakua, sawm li kum riat
Nohawng nikul, nung hlan dah maw
Pipu thlaici, ciam ser loin
Chan zeizat maw, zuun len cang hna
Tep rih hna lai, techin zong nih
Pipu ro sung, Chin Phun Ni ti’n
Ro sung muru, thangthar nun ah
Tlau kan sernak, sau ruangmang maw
Rithai ni si, phun dang mit ah
Mah hngal lo nun, hluan ai ci maw
Thuk in ruat law, tak in ruat law
Hi ti’n maw kan hman ro sung dawh
Kan pipu nun, mitthlam cuanh ah
Hnarno ruh tam, celh um hnga maw
Langak nih cun, Awtaw si hlah
Phun dang mit ah, Chinmi theo si
Khuaza van deng, cul len hmanh ‘sih
Chin Vapual nun, thlau tim lai ci
Kan tlang saang bang, fim saang zaa le
Kan hor thuk bang, hngalh thuk tling he
Dirpi chin ‘sih, leilung hmunh chung
Chin Phunpi Ni, pipu ro sung
By – Thawng CN
