COVID 19 nih a kan den ruang ah kan thil zuar ning le kan mileng luhchuak zat hi then 5 ah then 1 bak ah a tla. Kan rian hi a kal khokho fangfang te bak a si. Cu hmanh cu dawrkhan hi kanmah inn a si caah a si, hlanmi cu sisehlaw cu a fawi lai lo” tiah Mercy Lakphak dawr ngeitu Pu Pum No nih The Hakha Post biahalnak ah a chim.
“Kannih hi fak ngaingai in a kan hnursuan ko. Dawrkhan hlan man hi kan ipek khawh fangfang hrawng a si. Kan thil a man ti lo caah a man deuh hnga maw tiah thil-man hna hi tam ngai in kan thumh, a sungpaw bakin kan zuar ko,” tiah Biak Ku Store ngeitu Pi Zung Tin Rem nih The Hakha Post ah a chim ve.
“A voikhatnak phihkhar lio ahcun a kan hnursuannak a um lo. Nain a voihnihnak virus a luh hi cu tlawmte cu a kan hnur suan ve ko. Facang kan laknak ahhin a voikhatnak virus a phak ahcun facang man an kai lo. Nain tutan cu, tlawmpal cu an kai deuhmi a um. Kan laknak ah fang man an kai tik ahcun kannih zong tlawmpal cu kan kai ve. Kannih cu facang dawr a si caah fak tuk cun COVID 19 nih a kan hnursuannak a um tuk lem lo, kan zuar ning zong hi fakpi cu a zor lo” tiah Star Facang dawr ngeitu, Pi Van Bawi Hu Nu nih The Hakha Post a chim.
