A voi 22nak, Chin Ramkulh Hluttaw caanhmaan meeting cu September 1 ah an tuah i biatung pathum an fehter, pakhat record ah an chiah, tiah September 2 ah kan theih.
Biatung pathum an fehter mi hna cu; (1) Chin Ramkulh Cozah 2020-2021 tangka kum ca Tualchung simanking (detan-tada) upadi ahran an fehter. (2). Chin Ramkulh Cozah nih 2020-2021 tangka kum Chin Ramkulh chung Sipin tangka hman mi zatuak 30% (An hman tak mi cu 46%) cu zatuak 67% ah an kaiter. (3). 2020-2021 tangka kum October ah a tla ding mi tangka luhchuah nakding suaisam mi an fehter, tiah kan theih.
“Tutan ah thil biapi pathum kan fehter. Cun, record pakhat kan tial mi cu, 2018 kum in thla 6 chung tangka lutchuak cazin chek mi kha Auditor General David Lal Tin Mang nih a chuahpi i record (hmat-taing-tin) kan tuah,” tiah USDP Hluttaw Palai Pu Van Thawng nih The Hakha Post ah a chim.
Tutan hi Thlanglei Chinram ah Vice President-2 Pu Henry Van Thio a tlawng ding a si ca ah, September 1 chung lawng Hluttaw caanhmaan meeting an tuah, i thil biapi pathum an fehter. Pakhat record an tial, tiah kan theih.
