Chin Ramkulh chung, COVID-19 zawtnak a chuahka March thla in nihin tiang zawtnak chek mi 14,201 an si i, hi chung ah minung 150 sin ah zawtnak hmuh an si tiah Chin Ramkulh Ngandamnak Zung nih 2020 December 8 ah a thanh.
Zawtnak hmuh tamcem Peng hna hi minung 51 in Mindat, minung 28 in Tedim, minung 17 in Hakha, minung 16 in Tonzang, minung 14 in Paletwa, minung 12 in Matupi, minung 10 in Falam an si. Zawtnak hmuh mi a tlawm cem Peng hi minung pakhat veve in Kanpetlet le Thantlang an si tiah kan theih.
Atu sii-inn a ummi minung 40 hna chung ah a tam deuh hi cu motor mawng le motor zul deuh an si. Minung 40 hna hi Hakha ah minung 7, Falam ah minung 1, Tedim ah minung 5, Tonzang ah minung 3, Mindat ah minung 9, Matupi ah minung 5 le Paletwa ah 10 an si.
Chin Ramkulh chung zawtnak a chuahka March thla in August thla tiang, thla khat ah minung 2,4 lawng zawtnak hmuh an si nain, September thla chung ah minung 23, October thla chung ah minung 22 tiin an karh. November thla chung lawng ah minung 63 zawtnak hmuh a si i, December zarh khatnak tiang ah minung 22 tiang zawtnak hmuh a si cang.
Zawtnak chek tam cemnak Peng hi, minung 4092 in Hakha, minung 3665 in Tedim, minung 2853 in Mindat an si. Zawtnak chek mi a a tlawm cem 179 in Paletwa hi zawtnak hmuh tamcem lei ah a dir.
Photo/ Internet
