Tuluk ram in aa thok mi Covid-19 zawtnak cu Myanmar ram zong ah 2019 March thla in an hmuh ve i atu 2020 December 1 suimilaam 12:00 tiang ah Chin ramkulh chungah COVID-19 zawtnak a ngei mi minung 130 an si cang, tiah Chin Ramkulh Ngandamnak zung in kan theih.
Chin ramkulh Ngandamnak lei lutlai Dr. Aung Ngwe San nih, “COVID-19 zawtnak a chuah ka in nihin tiang Chin ramkulh ah COVID-19 zawtnak a ngei mi minung 130 an um cang. Zawtnak ngei mi poh hi an mah le an umnak peng Sii-inn cio ah zohkhenh an si i damnak a hmu cang mi hi minung 103 an si. Atu Sii-inn ah zohkhenh cuahmah lio mi Mindat ah paruk, Matupi ah panga, Hakha ah pali, Paletwa pali, Tonzang ah pathum, Falam ah pathum le Tedim ah pahnih tiin Chin Ramkulh chung ah COVID-19 mizaw minung 27 an um,” tiah The Hakha Post ah a chim.
Mindat peng hi Chin Ramkulh chung ah COVID-19 zawtnak hmuh tam biknak a si i a changtu ah Tedim peng a si, tiah kan theih.
