2020 kum Myanmar ram party tling democracy thimnak ah National League For Democracy (NLD) party nih Hluttaw mee hmun 920 le Union Solidarity Development Party (USDP) nih mee hmun 71 ah teinak an hmuh hna tiah UEC nih 2020 November 15 ah a thanh.
Hi cathanh a chuah mi chung ah NLD party nih Pyithu Hluttaw ah mee hmun 258, Amyotha Hluttaw mee hmun 138, Ramthen le Ramkulh Hluttaw ah mee hmun ah 501 le Affairs Minister Hluttaw mee hmun ah 23 an hmuh i a dihlak fonh 920 ah teinak an co tiah aa tel.
USDP party in Pyithu Hluttaw ah mee hmun 26, Amyotha Hluttaw mee hmun 7, Ramthen le Ramkulh Hluttaw ah mee hmun 38 an hmuh ve i a dihlak fonh ah 71 an si ve. Cun, a dang party le Independent in teinak a hmu mi hi an dihlak ah 126 an si.
Shan National League for Democracy (SNLD) hi tlangcung party hna lak ah tam cem teinak a hmu mi an si i, Pyithu Hluttaw ah mee hmun 13, Amyotha Hluttaw ah mee hmun 2, Ramthen le Ramkulh Hluttaw ah mee hmun 27 dihlak fonh ah mee hmun 42 teinak a hmuh ve.
2020 kum Party tling Democracy thimnak ah Pyithu Hluttaw mee hmun 315, Amyotha Hluttaw mee hmun 161, Ramthen le Ramkulh mee hmun 612, Affairs Minister Hmee hmun 29 an si i, dihlak fonh ah rampi huap Hluttaw mee hmun 1117 a um tiah Union Election Commission nih a thanh.
