Tonzaang peng, Cikha khuami cheukhat cu ZRA nih hramhram in ralkap training an kaiter hna, tiah CDF-Tonzang nih nizaan August 23 ah theihternak a tuah.
Tonzaang khua le Cikha khua cu Chinland Cozah ralkap nih atu kum May 19 le May 21 ah an rak laakmi a si i,
Tonzaang khua ah CDF-Tonzaang le CNA hmunhma an khuar.
CDF-Tonzaang nih, “Cikha khua ah CDF-Tonzaang le CNA ralkap kan um lomi kha ZRA nih caanṭha ah i laak in Cikha mipi cu zaang-en in ralkap training an kaiter hna,” tiah a chim.
ZRA cu Zomi timi miphun tangdanh in mizapi a hlengtu an si pin ah SAC ralkap lei ṭang in mah hlawknak lawng a kawlmi a si caah mizapi nih ZRA tuahmi ralkap training hi kai hlah u, tiah CDF-Tonzaang nih theihternak a tuah.
