Chinland cozah ralkap CDF-Tonzang nih an controlmi Tonzang peng chung ah ZRA le CDF-Tonzang karlak kahdohnak a chuak i, kap hnih in a nunnak a liammi le hliamhma a pumi an um, tiah thawng kan theih.
Nizaan October 21 ah Tonzaang khua tang, Manipur tiva kam ah a ummi Nakzang khua ah ZRA le CDF-Tonzang karlak ah kahdohnak a chuak i ZRA lei minung pakhat a nunnak a liam.
Nihin October 22 zinglei ah Nakzang khua in Cikha lei kalnak lamcung ah a ummi Mualkawi khua ah kahdohnak a chuak ṭhan i, ZRA lei in pakhat a thi ṭhan.
Kap hnih i kahdohnak ah CDF-Tonzang in ralkap Mung Hoih a thi i, ZRA lei zong in ralkap pahnih an thih pin ah hliamhma a pumi cheukhat zong an um.
Atu bantuk in ZRA le Chinland cozah ralkap karlak ah kahdohnak a chuah ṭhannak aruang hi ZRA lei nih a lang in le a thlithup in an rak kah lengmang hna caah a si, tiah Tonzang peng mi nih an chim.
