Zophei ram chung ah zu, rithaisii phun pohpoh din lo ding, luhpi lo ding le a thlithup in meithal, kuanzen zuar le phorh lo ding in CDF-Zophei nih November 28 ah cathanhh a chuah.
Cu cathanh an chuah mi chung ah cun “Ralhraang kut tang ah rian a tuan mi Non-CDMers vialte cu Zophei ram chung ah luhchuahnak nawl phihkhar a si,” ti zong an tial.
A thlithup in meithal, kuanzen zuar le phorh an khap i, zuar le phorh a duh mi nih CDF-Zophei sin ah licence tuah ding tiah an tial. Hriamtlai bu ca ah phorh mi a si ahcun mahle bu nih chuahpiak mi theihpinak ca asiloah lungtlinnak ca tel lawng ah Zophei ram chung gate pawl ah luhchuah khawh a si lai ti zong an langhter.
Zophei ram chung gate hna cu Zing suimilaam 6:00 in zanlei 7:00 tiang lawng luhchuah khawh a si lai i, lakhruak thil ruang ah gate tan in tlunkal duh ahcun tuanvo ngeitu sin ah felfai tein nawl hal hmasa ding in theihternak an tuah.
Zulhphung an ser mi hna cu cathan chuah ni November 28 thawk in tuanchuah colh a si lai tiah an tial i, nawl a zul lo mi cu CDF-Zophei nih a herh ning in tuanvo laak a si lai ti zong cathanh ah an langhter.
