Zomi Congress for Democracy (ZCD) nih thimnak ah i tel kho ding in party register a tuahmi cu SAC kuttang Union Election Commission (SAC-UEC) nih a cohlang lo, tiah theih a si.
Ramkhel party ah phungning in dir rih ding in ZCD nih a sokmi cu ṭuanvo ngeitu vuanci zung pawl nih zohfelnak an tuah hnu ah ramkhel party registration tuahnak upadi pohma no. 6 he aa kalh caah cohlan a si lo, tiah SAC-UEC nih August 5 ah thawngpang a chuah.
ZCD Party lawng si loin New Society Party (NSP) nih a sokmi zong SAC-UEC nih a cohlang lo i, a dang party pawl nih a sokmi zong pehtlai in zohfelnak kan tuah lio a si, tiah SAC-UEC nih a thanh.
ZCD Party cu Tedim, Tonzang le Kalay peng ah a bik in a cawlcangmi a si i, atulio an hruaitu hna cu Pu Gin Kham Lian (President) le Pu Pau Lun Min Thang (GS) an si, tiah theih a si.
