@ Rakhine ramkulh Myo-Oo khua ah palek nih duhlonak a langhter mi pawl meithal in an rak kah hna kong he pehtlai in checkhlat ding ah minung pakua tel in checkhlattu committee ser mi cu Rakhine Ramkulh Hluttaw nih January 29 ah laakhruak meeting an tuah i an fehter. Myo-Oo khua, January 16 ah an tuah mi Rakhine Siangpahrang Ram nawlngeihnak a rawh philhlonak puai an khap hna ca ah duhlonak an langhter i Pengkomh Uknak Zung ah duhlonak an langhter ca ah palek nih meithal in an rak kah hna. Minung 12 an thi i 20 leeng hma an rak pu. (Ref: DVB)
@ Khua caan ruang ah Myanmar ram Nichuah lei hmun hma ah khuahsik a zual lai, January 31 in February 6 tiang ah Shan ramkulh Nichuah lei ah khuasik a zual kho ti in khua caan lei thiamsang Dr. Htun Lwin nih a chim.
(Ref: Irrawaddy)
@ Rohingya pawl serhsattu cung ah sualphawtnak a tuah lo ruang ah daihnak laksawng (Noble prize) cotu Daw Aung San Suu Kyi cu Newcastle luatnak laksawng chuhthan a si lai. (Ref: VOA)
@ American ram FBI phu ngan chung ah No. 2nak a si mi Andrews Mc Cabe cu, a ra lai mi March thla chung ah a rian in chuah a tim na in a tu cu khunhhal in a um lio a si ti in Inn raang pi in chimnak nawl ngeitu nih a chim. (Ref: BBC)
@ Myanmar Nuhrin covo he pehtlai in UN palai Yanghee Lee cu Bangladesh a tlawn hnu ah January 24 in 30 tiang Thailand ram a phan i, February 1 ah Thlang Korea ram Seoul khualipi ah thawng fianternak a tuah lai. (Ref: VOA)
@ US president Donald Trump nih Washington ah January 30 in ram mi sin ah a fekfuan mi humhimnak le hmaizah awktlak mi American ser than ding kong biachimnak a ngei lai.
(Ref: VOA)
@ Chiatha a khat mi ) aa duhdaw mi hna Ni cu Myanmar ram ah a voi khatnak Yangon Thakhin Myah pangpardum ah January 29 ni ah an a tuah. (& proud) tiah auh mi ngeihkhat puai ah zaanglek zuamnak le games phunphun zong tuah a si. (Ref: RFA)
@ Yangon khua ah a um mi Kandawgyi Palace Hotel a rak kangh lio ah a rak i hliam mi Shwepyitha Peng Meithat Oosihmu U Kyaw Swar Linn cu a nunnak a liam cang. U Kyaw Swar Linn, kum 34 cu hotel chung mei an thah lio ah lehmah 6”x 6” a chah i pe 10 hrawng a sau mi thing nih pe kul tluk a sanak in a rak tlaak ca ah aa chinh mi mei khamtu lukhuh a kuai dih pin ah a lu faakpi in a rak i hliam. Caan saupi sii-inn ah aa thlop hnu January 28 ah a nunnak a liam.
(Ref: Millionlike/phothutaw)
@ Biaknak le Nunphung Minister Zung nih biaknak (Buddhist) a thianhlim nakding ah nifatin kan tawlrel tiah Minister Thura U Aung Ko nih a chim. “Biaknak thianhhlimhnak cu atu zong kan tuah ko. Ram pumpi huap ah phung a buar mi phungki pawl, a dang zaatlang zulhphung a buar mi phungki hna cu ni fatin dantatnak kan tuah ko hna ti chim ka duh,” tiah a chim. Phungki cheukhat cu biaknak phaw i aih in phung a buar mi an um ti zong a chim. (Ref: Mizzima)
@ Yangon Ramthen ah Palai pawl biahalnak pawl leh ah a ra mi Cozah chungtel hna nih a dikfel mi bialehnak lawng rak leh ding in Ramthen Hluttaw Chairman U Tin Maung Tun nih January 30 ah an tuah mi Hluttaw meeting tuah lai ah ralrin peknak bia a chim. “Hluttaw ah bialehnak a rak tuah mi Cozah chungtel Minister pawl zong nih tling te le ningcang tein bialehnak kan tuahpiak uh. Bia nan leh mi ah thil a cang taktak mi chung in dikfel tein let uh,” tiah a chim.
(Ref: Mizzima)
@ Ram Ruahnak Petu Daw Aung San Suu Kyi nih President tuan ding in ruahchannak ka ngei peng rih ko tiah Yangon ramthen Chief Minister U Phyo Minn Thein nih January 30, Hlaingthayar peng ah an tuah mi, Suu Pawcawmnak lei Sianginn honnak ah a chim. (Ref: DVB)
