June thla zarh hnihnak june 22 in 26 chung ah Chin mino zohthla mi; John Mang Cung Ling, Tawk Al @ Daidin le Pu Van Hmun Lian cu ruahlopi in an nunnak a liam.
John Mang Cung Ling hi June 22, Yangon khua ah hri-awh in a nunnak a liam. Amah hi muidawh Lai Fitlaw bantuk kan ngeih mi le cathiam pakhat a si.
Cun, Tawk Al @ Daidin hi June 25 ah a nunnak a liam ve. Amah hi Mekazin tampi ah biazai a tial i CACC nih Daidin Biazai tiin cauk tiang an chuahpi mi a si. Pu Van Hmun Lian hi Thantlang khua anmah inn ah June 26 zaan ah hri-awhnak in a nunnak a liam ve.
John Cung le Van Hmun Lian an thihnak a ruang le an kong kan hngal kho lo nain Tawk Al thihnak kong ah a hawitha Hoi Cung @ Sazawte nih, “Cawn ni 4 ah leithuan ah Lahva leikuang ah kan riak. Ni 5 chunhnu ah ka hmu ti lo i ka kawl len. Khua ah a ka tluntaak le a si lai tiah ka ruah. Zarhteni ka rak tlung i a chungle nih a tlung lo an ti. A hawile sin ah a riak le si ko lai, ka hei ti. Ni khat ni leikuang lei ah ka va kal than i kan thlaam chak tilaak pawng ah a ruak cu kan hmuh. Zeitin a thih ti zong nihin tiang ka hngal kho bak ve lo,” tiah The Hakha Post ah a chim.
Atu bantuk in Chin mino lak ah zohthla mi hna nih zarh khat chung ah mual an kan liamtaak khuami zaang a zuun ngaingai.
