Atu lio motorcycle cit phung a zul lo mi pawl motor PK nih tangka an liamter mi hna hi cozah ca ah cun a tha ngai ko lai nain nulepa sifak santlai lo chungkhar ca ah cun zaangfak ngai kan si.
Zeicatiah an tlaih mi hna kan fale anmah kut ah tangka an ngeih lo tik ah nulepa kha tuk le thah lai derh in hal a si. Si kho sehlaw tangka liamter nakin zaan khat thong thlak asilole zarh khat maw thla khat an motorcycle pek lo ti bantuk in dantat si sehlaw nulepa santlai lo sifak chungkhar cu kan i lawm deuh hnga.
Zeicatiah motorcycle cit tik ah lukhuh khuh ding ti mi hi kan fale nih an lung a fiang kho bak lo. An fian lo lawng si lo in an i nunpi duh lo. Nihin ah an tlaih hna zong ah thaizing ah an i chinh duh hlei lo. Nihin ah lukhuh lo in an tluk i an i khawn zong ah thaizing zong ah an i khuh duh hlei lo.
Cheukhat ngakchia cu an cycle datsi le a remhnak lawng si lo in lukhuh khuh duh lo ruang ah nulepa tangka an liamter mi hna hi a tlawm ti lo. Cucaah cu hlannak fak deuh in dantatnak hi tuah ah a tha ko rua lai.
Hakha Dawrhlun sang upa pakhat
Biakilh: “Zapi aw” hi The Hakha Post dirhmun a si lo. Catialtu dirhmun a si.
