Magwe ramthen, Pakokku pengkomh, Yesagyo Sinphyushin hlei gate sakhaan cu PDF tangti phu komh nih an laak lio ah bawm ding in a ra mi council ralhraang motor pakhat cu bomb 6 an puah hna i ralhraang 10 a hmun ah an thi tiah Yesagyo PDF nih thawng an thanh.
Nihin zaanlei suimilaam 2 hrawng ah Sinphyushin hlei gate sakhaan ah bawm ding in a ra mi ralhraang motor 1 cu bomb voi 6 puah an tong i motor a rawk dih. Aa cit mi ralhraang a hmun ah 10 an thi i hliam tuar tampi an um tiah theih a si.
