Magwe ramṭhen, Yesagyo peng kahdohnak ah SAC ralkap pakua an thi i, a dang ralkap pakua cu Myingyan Black Tiger (MBT) ralkap bu nih an nung in an tliah hna, tiah theih a si.
Yesagyo peng, Yelay Kyun hmunram ah raal lam sial in a rak lut mi SAC ralkap thazaang 200 hrawng cu February 26 ah MBT le PDF ralkap phu hna i bawm in an kah hna i SAC ralbawi pakhat tel in ralkap pakua an thih pin ah a dang ralkap pakua an tlaih hna hi a si.
Kahdohnak ah a dang SAC ralkap 20 hrawng an i hliam i 60mm hriampi pakhat, RPG pakhat tel in meithal cheukhat le kunzen tampi an laak.
Kap hnih kahdohnak a fah lio ah SAC lei nih Fighter vanlawng in bomb voi khat a thlak i Mi-35 helicopter zong in mizapi ralkap pawl a kah hna caah mizapi ralkap lei in minung 4 hliamhma an pu ve, tiah MBP ralbawi Bo Hmeik Khe nih a chim.
Hi kahdohnak ah hin MBT, Myaung PDF ralkap phu hna, Royal Brother Defense Force (RBDF), MSPDF le Yesagyo peng chung i SAC ralkap a doh mi hriamtlai phu hna hmun khat ah ral an do, tiah theih a si.
