Mon ramkulh, Ye peng ah Council ralhraang sakhaan hme mi pakhat cu YGF le tangti phu komh hna nih nihin ah an luh hnawh hna i ralhraang le Pyo Saw Htee pawl an zaam dih, meithal zun 3 kan lak tiah YGF nih an thanh.
YGF le tangti phu komh nih September 23, zing suimilaam 4:30 hrawng ah Kha Lah Yah – 588 battalion pawng, phungki sianginn bo ah umhmun a khuar mi ralhraang le Pyo Saw Htee hna umnak cu an luhnawh hna i meithal zun 3 le nam pakhat an lak tiah theih a si.
“Guard cawnghnak sakhaan hme mi cu kan luhhnawh hna i an zaam dih caah meithal zuun 3 kan lak. A thi mi cu an um lo,” tiah YGF nawlngeitu nih Khit Thit Media ah a chim.
