Sagaing ramthen, Ye-U peng ah ralhrang pawl cu PDF nih ni hnih chung pehtlai in an kah hna i ralhraang 7 an thi tiah Hero Army (Khin-U) phu sin in theih a si.
January 19 ah Ye-U peng Kyarphoo pawng ah sign-board taar puai a tuah mi ralhrang pawl cu rammi rungvengtu phu nih drone in bom an thlak hna i ralkap pathum an thi tiah theih a si.
Cu bantuk in January 20, zinglei suimilaam 8:21 tluk ah Ye-U peng, Kyarphoo Thlanglei tlanglawng lam lei ah a kal mi SAC ralhraang pawl cu rammi rungvengtu phu nih bomb an puah hna caah pali an thi tiah Hero Army (Khin-U) nih a langhter.
