Mon ramkulh, Ye peng, Khawzar pengthen chung ah a um mi SAC ralhraang camp pakhat cu rammi ralkap phu komh nih an laak i hrimnam kuanzen tampi zong an laak chih tiah Ye Guerrilla Force (YGF) nih nihin ah a thanh.
An laak mi ralhraang camp cu SAC ngeih mi pehtlaihnak tower tung bo ah a um mi a si. July 6 zaan suimilaam 11:00 hrawng ah KNLA Battalion-27, Company-2 le YGF an i bawm i hriam ngan le hriam hme kah bu in an luh hnawh hna.
A luh hnawh hna caan cu zaan a si caah SAC lei a thi mi le hma pu zat mit hmuh in fehter khawh a si lo i, SAC ralhraang pawl cu an zaam tiah an langhter.
SAC nih a ngeih mi pehtlaihnak tower cu mei in an khangh hnu ah rammi ralkap pawl cu hnulei ah an kir than tiah an thanh.
Photo: YGF (Tower bo camp ah an laak mi SAC hriamnam pawl)
