Taningtharyi ramthen, Yay Phyu peng ah palek thawngpetu pakhat le a pension cang mi palek pakhat thah an tong tiah theih a si.
November 18 zaan, Yay Phyu peng ah palek thawngpetu Lin Aung cu Taningtharyi Rammi Rungvengtu phu nih an kah i a thi tiah theih a si.
Cu bantuk thiamthiam in November 22 zinglei suimilam 10:30, Yay Phyu peng Bagawzun khua le Watchaung khua kar ah palek rian in pension a la cang mi Tin Htun cu Taningtharyi Rammi Rungvengtu phu T-PDF nih an kah i, a luu le a paw ah kuan li nih a khen caah a thi tiah theih a si.
An kah mi Tin Htun cu Council ralhrang pawl sinah aa bawm i lam a hmuhsak hna, ralkap motor pawl puah ding in PDF nih bomb an tarh mi bomb hri pawl a chahpiak hna ruangah kan kahnak a si tiah T-PDF nih a langhter.
