Gangaw peng, Hmyauh-Kha-Yan khuate ah Yaw-PDF ralkap pahnih an nung in mei in an khangh mi hna kong he pehtlai in ṭuanvo ngeitu an ti mi Ma Thi Thi Aye cu PDF nih an tlaih, tiah nihin February 10 ah thawngpang a leng.
2023 November thla kahdohnak ah Hmyauh-Kha-Yan SAC ralkap le Pyosawhti nih an tlaih mi hna Yaw-PDF ralkap pahnih cu thir cincik in thingkung ah an ṭem chih hna i an nung in mei in an khangh hna.
USDP Party chungtel a si mi Ma Thi Thi Aye hi Yaw-PDF ralkap pahnih tuksum in thah ding in a hrih-hawhtu a si tiah sual an puh mi a si i, Thailand ah a um mi Myanmar ram mi pawl nih Ma Thi Thi Aye a tlai khotu cu Baht 300,000 kan in phalh hna lai tiah an thanh.
Ma Thi Thi Aye lu man Bath 300,000 an thaap hnu February 9 ah Ma Thi Thi Aye cu kan tlaih khawh cang tiah Kalay rammi ukhruaitu bu (Pa Kah Pha) in ṭuanvo ngeitu pakhat nih Myanmar Free Press sin ah a chim.
Kalay rammi ukhruaitu bu nih an tlaih mi Ma Thi Thi Aye hi Kalay peng, Kan Pung Lay khua i ngazuatnak (Nga-kan) pawng ah a um mi a si, tiah Myanmar Free Press nih a langhter.
