Suimilam 12 chung ah Yangon ramṭhen chung in PDF ralkap ah luh ding in a soktu minung a thong in an phan, tiah NUG nih thawng a chuah.
Nizaan Februry 12 ah NUG nih PDF ralkap luhnak form cu online ah a tar i, suimilam 12 chung ah Yangon ramṭhen chung in kum 18 le kum 35 karlak mino a thong nih min an pek hi a si.
PDF ralkap si kho ding in tahfung (Requirement) phun 7 a um i, cu chung ah cun a ngandam mi a si lai ti mi zong aa tel. Tahfung phun 7 a tlinh lo mi Form pawl cu ruahpiak an si lai lo, tiah NUG nih a langhter.
February 10 ah SAC ralkap nih Myanmar rammi (kum 18-35 karlak) ralkap tlaknak phung a nunter caah Kawlrawn khuapi mino pawl PDF ah luh ding in forhfialnak a hung um ngaingai.
