Yangon khualipi chung ah Motorcycle phung ning tein mizapi nih hman khawh nakding caah duhnak aupinak an tuah tiah theih a si.
Yangon khualipi chung ah Motorcycle cit khawh nakding caah aunak tuahnak caah Yangon Biker Revolution nih an hruai hna i, biker minung 50 tluk nih Motorcycle luchin ichinh in le Mask ihunh bu in Mahabandulah pangpar dum le Town Hall hmai hna ah duhnak langhternak an tuah tiah theih a si.
“Tutan kan tuah mi hi duhlonak langhter phun khi si loin Yangon khualipi ah phung ning tein Motercycle cit hi ngah kho ve seh ti saduhthahnak he tuah mi a si” tiah Yangon Biker Revolution lutlai a si mi Win Kyaw Maung nih a chim.
January 16 thok in Yangon pengkulh zeimawzat hna ah ichawk in minthut khawmhnak tete an tuah hna i, January 19 ah Yangon pengkulh cozah sin ah pek i phung ning tein Motercycle cit kho ding in halnak an tuah lai tiah theih a si.
Yangon pengkulh 33 ahcun Motorcycle cit hi phung nih a sianh lo tiah theih a si. Yangon pengkulh chung ah phung ning tein Motor Cycle cit khawh nakding caah Yangon pengkulh Hluttaw chung ah ceihti cu a si theo nain tuni tiang ah phung ning tein citnak sianh bal a um rih lo tiah theih a si. (Ref: RFA)
