COVID-19 pulhrai a chuak mi hi a ran khawh chung in kan kham khawh nakding ah siseh, kan i runven khawh nakding ah siseh, vawlei mifim hna sin in hmai kum in cun hnangam a si cang ko lai, tiah kan theih.
A tha bik mi sii zong chuah kho ding in an i zuam cuahmah lio a si bantuk in hmaikum in cun WHO nih runvennak (kakuaisi) nuai 2000 kan phawtzamh lai tiah an ti i, cu chungah cun kan nih kawlram zong kan i tel ve, tiah Ngandamnak le Zaanglek zung bawi Dr. Khin Khin Kyi nih a chim. COVAX Organization cu runvennak lei tuanvo laknak le runvennak le sii chunhnak lei kha tuanvo a latu an sii i Covid runvennak he pehtlai in riantuantu bu an si.
Ram 92 chung ah mipum zatuak 20% kha a runven khawh ding a si ca ah kawlram nih ngandamnak lei riantuantu kha papek in siseh, a pahnihnak ah kum upa deuh cang mi hna le zawtnak a ngeimi hna kha thim in papek ding a si, tiah kan theih. (Ref: Myanmar News)
