TNLA, MNDAA le AA nih Operation 1027 Part 2 min in kahdohnak an tuah cuahmahnak Shanram chaklei ah a um mi Tangyan khua tiang Wa ralkap pawl an rak lut ve cang, tiah theih a si.
Wa ralkap thazaang tampi cu mawtaw pawl in Thanlwin Tiva hlei an rak tan i, Thanlwin tiva nitlaklei ah a um mi Tangyan khua ah an rak lut, tiah thawngpang hram nih BBC sin ah an chim.
Shanram chaklei kahdohnak a fah cuahmah lio ah zei ruang ah dah Wa ralkap pawl hi Tangyan khua ah an rak luh ti mi fiang in theih a si rih lo.
Wa hriamtlai hi Northern Alliance (TNLA, MNDAA, AA) nih hawikom ṭha ah an ser mi a si nain Operation 1027 ah Wa hriamtlai nih langhngan ngaingai in a telpi hna lo.
Asinain, Operation 1027 lio ah Northern Alliance nih an rak laak mi Hopang khua le Panlon khua cu Wa hriamtlai sin ah an ap, tiah theih a si.
