Victoria Camp thonginn in meithal zun 2 he a rak zaammi SAC ralkap minung 4 cu an zapi in an tlaih khawh ṭhan hna, tiah thawng kan theih.
Victoria Camp thonginn ah an hrenmi hna SAC ralkap minung 4 cu khan anmah a congtu Chin ralkap pahnih i meithal an chuh hna i October 12 zaanlei ah khan an rak zaam.
An zaamnak ah meithal 2 an i ken pin ah an Chin ralkap pahnih zong an i hruai hna.
A zaammi SAC ralkap 4 cu ni zeimawzat an dawi hna hnu nizaan October 17 ah an tlaih khawh ṭhan hna hi a si.
A zaammi pali lak ah pahnih cu Mizoram, Farkawn khuataw ah meithal zun khat he an tlaih hna i, a dang pahnih hi Zaangtlang khuataw ah meithal zun khat he an tlaih ve hna.
An i kalpimi Chin ralkap pahnih zong him tein an khamh khawh hna, tiah thawng kan theih.
