Chin ramkulh a hung tlawng mi Vice President Pu Henry Van Thio le a zultu Minister hna cu Mizo ram Hruaitu Minister Pu Ngunliancung le upa cheukhat hna nih February 3 ah Saisihchuak (Tipi) ah an hung ton hna tiah theih a si.
Hi i tonnak ah biapi in an ruah mi cu: (1) Saisihchuak border trade hi a fek mi, a puitling mi si kho ding in nangmah na tuan chung ah kan hmaithlakpiak. (2) Ralvenchuak (Tipi) hlei donh ding in Centre nih a cohlan cang mi hi Mizo ram CM nih Centre ah a recommend bantuk in Myanmar lei zong nih thawng deuh in kan tuanpiak uh, ti kan duh ti hna an si. CM nih a tial mi ca (copy) le biadang tial mi ca hna zong Pu F. Rohnun nih ca in Vice President cu a pekchih.
Vice President nih a leh mi hna cu “ Engeneering zong ka van i hruai hna,hika hmun ka phanhpi hna pin ah cun a herh mi poh cu ka hun i zuam ko lai. Kan i tong kho hna i ka lung aa lawm,” tiah a chim ti in Lairam Future Group, Lawngtlai nih a tial.
Vice President Pu Henry Van Thio ton ah Mizo lei in a ra mi hna cu : Minister Pu Nguncunglian, L EM Pu Lallungmuan, Adviser to CEM Pu Vanlalsang, Pu F. Rohnun MDC, Central YLA, LWA le Commerce lei Hotu hna an si. The Hakha Post
