Johns Hopkins college nih hlathlainak an tuahmi chung in vawlei pumpi ah COVID-19 zawtnak ngei hi minung 94 million tluk kan pha cang i, cu ah zawtnak ngei an tamcemnak ram cu America ram a si i, 23.7 million an um cang, tiah thanhnak an tuah. Cun India ram hi a tamcem pahnihnak a si i minung 10.5 million tluk nih COVID-19 zawtnak ngei an um ve. Brazil hi minung 8.4 million nih COVID-19 zawtnak an ngei i vawlei cung COVID-19 zawtnak ngei tamcemnak pathumnak a si ve, tiah theih a si.
America ram California ramkulh chung in LA pengkomh hi COVID-19 zawtnak ngei an tam cemnak a si i, minung 1 million lengkai an si tiah theih a si. Zawtnak ngei an tam ngai pin ah COVID-19 zawtnak ichawnhbarh a rang ngai mi phun zong an hmuh chap tiah fehter a si.
Norway ram ahcun Pfizer company ser COVID-19 raikhamsii an chunh hnu in kum upa lei minung 25 hi sii chunhnak ruang ah an thi tiah theih a si. Hi mithi hna hi ah zawtnak a rak ngeih cia mi an um tiah hlathlainak an tuah mi ah hmuh a si. (Ref: VOA)
