April 10, 2023
Tu zing zinglei suimilaam 5:30 hrawng ah Falam khua in meng 12 hrawng a hlatnak Vaar khua SAC ralhraang camp cu CNDF nih an laak i cuka kahdohnak ah cun SAC ralkap 14 an thi, 11 a nung in kan tlaih hna tiah CNO nih an thanh.
CNDF nih MA 1 meithal zun 3, MA 2 meithal zun 1, MA 3 meithal zun 2, MA 4 meithal zun 1, G3 zun 12, MA magazin 20, 60 mm miakpi 2, 60 mm miakpi kuan 58, Energa 8, G3 magazine 37, Trip-wire mine 10, 40 mm miakpi kuan 33, Grenade 12, Out front mine 50, Land mine 500, MA zenthong 1000 leng le G3 zenthong 2500 leng kan lak tiah an thanh.
SAC camp kahdohnak hmun ah cun CNDF ralkap pakhat nih ram le miphun ca ah a nunnak a pek.
Vaar Camp ah a um mi SAC ralkap 25 lak ah 11 cu kahdohnak hmun ah an thi i, 14 a nung in CNDF nih an tlaih hna nain hma an put mi a fah caah captain tel in pathum cu a hnu deuh ah an thichap ti zong an langhter.
Photo: CNO
