Atu lio cu va le ramsa hna nih fano an ngeih lio a si caah Hakha kha peng chung ah va le ramsa nan that hrimhrim lai lo tiah CDF-Hakha Central Council nih February 26 ah thawng a thanh.
Va le ramsa thah lo ding in CDF-Hakha Central Council nih a khap caan cu 2024 March ni 1 in May 31 tiang a si.
Nawl ngai lo in va le ramsa a that mi poh cu an hriam laakpiak an si pin ah phung ning in dantat an si lai ti zong thawngthanhnak ah an langhter.
