US nih kumtinte Myanmar ca ah a pek tawn mi fimcawnnak lei bawmhnak tangka $45 million cu US President Donald Trump nih pek ti lo ding in minsen a thut cang, tiah theih a si.
Diversity, Inclusion, Equity and Accessibility (DIEA) ti mi program tang ah US nih kumtinte tangka $45 million a hman i, Myanmar rammi tampi US ram ah cacawn ding in bawmhnak a pek tawn hna.
President Trump nih, “DIEA program in Myanmar ca ah $45 million bak an chiah. $45 million bak mu! Hi tangka hi a tam tuk mi a si. Khoika dah mah tangka hi a phak dih lai ti mi nan ruah khawh cio ko lai,” tiah a chim.
Myanmar rammi 800 hrawng US ah fim an cawn khawh nakhnga US nih kum 5 ca ah $45 million a rak pek mi a si, tiah theih a si.
Atu bantuk in President Trump nih Myanmar rammi hna fimcawnnak lei bawmhnak a ngol tik ah DIEA program in US ah fimthiamnak a cawng cuahmah mi Myanmar rammi 400 hrawng cu zeitindah an cawnnak an pehzulh lai ti mi fiang in theih a si ti lo.
