US President Donald Trump nih Immigration kong he pehtlai in Executive Order minsen a thut hnu ah vawleicung ram tampi in US ah a zuang ding mi ralzaam 10,000 hrawng i vanlawng ticket cancel an tong, tiah CNN nih January 22 ah a ṭial.
Hi ralzaam pawl hi US ah lanh ding in caan saupi an hngah hnu ah kal ding in vanlawng ticket a hmu mi an si hna, tiah a langhter chap.
Vanlawng ticket cancelpiak a tong mi hna hi khawzei ram i ralzaam dah an si ti mi fiang in theih a si rih lo nain US ram ah a phan mi ralzaam tam deuh hi Myanmar, Afghanistan, the Democratic Republic of Congo, Venezuela le Syria ram in an si hna, tiah CNN nih a langhter chap.
US ah kal ding in vanlawng ticket a ngah cang mi hna an khualtlawnnak cancelpiak an si bang in a thar zong cohlan an si rih lai lo tiah theih a si.
US President ṭhing Joe Biden chan ah khan cun kum khat ah ralzaam 125,000 hi an laak hna, tiah theih a si.
