Chin Ramkulh chaklei laitlang Tonzang Peng, Zampi khuahlun ah Seven Day biakinn le Seven Day Khrihfabu pastor Pu Go Za Mang inn cu nihin 2021 February 3 zinglei suimilaam 1:00 tluk ah a kaang tiah thawng kan theih.
Hi kong he pehtlai in rian ngeitu pakhat nih, “Inn a kangh hi zinglei suimilaam 1:00 tluk ah a si. Inn a kaang mi hi Biakinn pakhat le minung umnak inn pakhat dihlak fonh inn hnih a si. Hi inn kangh ruang ah aa hliam mi le aa khawngdeng mi cu an um lo,” tiah The Hakha Post ah a chim.
2021 February 2 zinglei 5:30-6:00AM kar Hakha Dillo sang zong ah Pu Hrang Cung le Pu No Hnin hna inn a kaang i minung paruk an nunnak a liam. 2021 January thla in February 3 tiang Chin Ramkulh ah inn 16 a kaang cang tiah theih a si.
