Tonzang Peng, Haicin khua mi kum 6 ngakchia COVID-19 zawtnak ngei Case No. 318 cu hringtu a nu he nihin July 10 suimilaam 12:00PM, Tedim sii-inn ah an thial cang hna tiah thawng kan theih.
Tedim khuapi COVID-19 Volunteer a tuan mi le CHRO Twe Let Project i Focal Person Saya Mung No nih, “Chin Ramkulh chung ah COVID-19 zawrnak in a zaw mi hna lak ah ngakchia cem a si. Ngakchia a zaw mi Chin Ramkulh chung ah a voi khatnak a si fawn ca ah sianginn hi tah honter kan si lai maw, honnak nawl tah an kan pe hnga maw ti hi kan lungre a thei ngai. Ngakchia sin in zawtnak an hmuhchap a si cun a fawi lai lo,” tiah The Hakha Post ah a chim.
Case No. 318 hi India ram in a rak tlung mi an si i Haicin khua ah Facility Quarantine in a ummi an si tiah kan theih. Haicin khua ah India ram in a rak tlung mi minung 22 Facility Quarantine an chiah hna.
Photo/C S Mung No/ SuanSung
