Chinland cozah ralkap nih an rak laak mi Tonzaang khua ah ralzaam pawl an kir ṭhan cang, tiah Tonzaang mizapi ukhruaitu bu nih a chim.
Tonzaang ah a kir ṭhan mi, mi tam deuh hi kiangkap khuate ah ral a zaam mi an si hna i, Kalay lei ah a zaam mi pawl tu cu an rak kir nakding lampi ah Tedim tan a hauh lai caah a kir kho rih hna lo tiah Tonzaang mizapi ukhruaitu bu chungtel pakhat nih Mizzima ah a chim.
“Tonzaang peng chung ah cun kahdohnak a um ti lo. Asinain, Tedim ah kahdohnak a um rih caah Tedim khua tan in a rak kir ding pawl cu an kir kho rih lo,” tiah a chim.
May 19 le May 23 ah Cikha le Tonzaang khua cu Chinland cozah ralkap hna nih an rak laak khawh.
