Chinland Cozah ralkap nih an rak laakmi Tonzaang khua ah thilman a let in a kai i, sii-ai cawk awk zong a um ti lo, tiah tualchungmi nih an chim.
Tualchungmi pakhat nih, “Eidin tirawl cawk awk cu a um ko nain a man an faak tuk. Sii-ai belte cu a um ti lo ti awk a si. Mi tam deuh nih kan cawk tawnmi thiṭum sii, Datsaa, taksa fah daihnak sii le pawfah sii tibantuk pawl cawk awk an um ti lo,” tiah a chim.
Tonzaang khua ah CNF nih sii-inn a honpiak ko hna nain sibawite nih mizaw lawng an zoh khawh cang i, sii a um lo pin ah thlopbulnak he aa pehtlaimi thilri zong a har tiah a chim chap.
SAC nih Kalay-Tedim-Rihkhawdar lei ah facang le sii-ai phorh a phihkham caah Tonzaang khua ah sii-ai lei harnak an tong chinchin.
Operation tuah a haumi le naungei ding pawl cu Tedim le Kalaymyo lei ah an panh tawn, tiah theih a si.
