Nizaan June 11 ah Tonzaang khuachung ah bomb puah sualnak a chuah caah kum 15 a si mi pa ngakchia pakhat a nunnak a liam, tiah thawng kan theih.
Tualchungmi pakhat nih, “Khuachugn kahdohnak i a taang mi meithal kuanhawng pawl a khawmh lio ah bomb rap aa lamh sual caah a thih hi a si,” tiah a chim.
Bomb rap aa lamh sual ruang ah a nunnak a liam mi kum 15 ngakchiapa hi Lungtak khuami Kham Muan Lian a si tiah theih a si i, Tonzaang penguk zung pawng ah bomb rap nih a puah hnawh hi a si.
Tonzaang khua cu kan hnu May 23 ah khan CNA hruai mi Chin miphun dohthlengtu ralkap bu hna nih an rak laak. Atu ah cu khuami cheukhat zong an kir cang hna i khuachung dawr cheukhat zong an on cang hna, tiah theih a si.
