Ta’ang hriamtlai TNLA nih tuah mi Special Combat Training kharnak cu November 9 ah kan tuah tiah nihin November 13 ah an thanh.
Cu training ah cun No. A le B ṭhen in thla thum leng an cawnpiak hna i operation le raldoh thiamnak biapi in an cawng; Training a kai mi 1,000 leng an si tiah an langhter.
Cu bantuk ṭhiamṭhiam in A Voi 66 (c)nak nu ralkap training kharnak zong November 11 ah an tuah i, minung 200 hrawng nih training an lim tiah theih a si.
A luan cia May thla ah tuah mi A Voi 65nak Basic Military Training zong nih nu/pa ralkap 1,000 leng a hrin hna tiah cathanh ah an langhter.
TNLA nih Operation 1027 chung ah an laak mi peng 12 ah rammi ukhruainak an kalpi cuahmah bantuk in Naungcho peng, Taungkham la ding in an tuk cuahmah. Kahdohnak zong a faak ngaingai tiah theih a si.
Hmanthlak: PSLF/TNLA
