Shanram chaklei khuapi pakhat a simi Momeik khua cu Taáng hramtlai TNLA nih nihin July 31 ah tlamtling tein a laak khawh cang, tiah theih a si.
Momeik khua ah a donghnak bik a taangmi SAC ralkap sakhaan Sah-Kah-Kha (21) (Operation Command Headquarters) telh in a dang sakhaan pathum cu TNLA nih nihin zinglei sml. 11:00 ah a laak khawh hna.
Momeik khua laak kahdohnak ah SAC ralkap tam ngai an thi i, hriamnam tampi zong TNLA nih an laak khawh.
Operation 1027 Part (2) an thawknak thla khat a rau cang i cu caan chung ah cun TNLA nih Momeik, Nawngcho le Mogok khua a laak cang hna.
