Shan ramkulh, Ta’ang hmunram, Namhkam peng ah a um mi bing lo hna cu PSLF/TNLA nih March 4 in 12 tiang an va hrawh tiah TNLA nih nihin ah a thanh.
TNLA nih an va hrawh mi bing cinnak lo hna cu khuate 15 ah a um mi an si. Bing lo 1,125 acres cu ni 9 chung ah an hrawh hna tiah thawngthanhnak ah an ṭial.
Bing cinnak lo hna cu SAC kuttang Panse Pyithusit nih an rak uk mi hmunram chung ah a um mi an si.
Cuka hmun ahcun TNLA nih bing lo voi hnin an va hrawh cang hna. 2017 February 17 le 2020 March 15 ah an rak hrawh hna i, an va hrawh lio ah Panse pyithusit pawl he kan rak i kap ti zong an langhter.
Namhkam khua kan laak hnu March thla thawk in bing lo hrawhnak kan thawk i, a taang mi bing lo pawl zong pehtlai in kan hrawh rih hna lai, tiah PSLF TNLA nih a thanh.
Photo: PSLF/TNLA
